වැස්ස
දන්නවාද මේ වැස්ස අදත් නුබ වගේමයි
හිරිකඩින් මා තෙමා මා විඩා නිවාලයි
දන්නවද මල් තුහින මං වගෙම කෝඩයි
ලග රැදෙන දවසකට මල් උනත් ආසයි
හිරි පොදම වැසි උනත් මට හරිම සීතයි
නුබ ලගක නැති දාක වගේ සිත වෙහෙසයි
කුරුලු කිචි බිචිය වුව දුර දුවාවාගෙයි
නුඹේ ඇමතුම් නොමැති දින මේ වගෙම පාලුයි
පෙම්වතුන්ටයි වැස්ස මුමුණනා කවියොයි
වැස්ස ගැන කතන්දර විමසනා දරුවොයි
අමතකම කර ඇත්තෙ ඒ අහසෙ පාටයි
මන් ලගක නැති දාට නුබෙ හදත් එහෙමයි
වැස්සකට පසු එබෙන දේදුන්න වාගෙයි
මා හදම කිතිකවා නුබ සෙමෙන් සිනාසෙයි
කෝපි බදුනක ඇත්තෙ දිය කරපු ජීවෙයි
කෝපි පැහැ ඇස් ඇත්තෙ නුබට නම් ඒකයි
