Sunday, July 24, 2022

කෝපි ඇස්

කෝපි ඇස්




ආදරේ බව මටම

සැග වුවත් දෝරෙ යන

මං කැමති ඇස් තමයි

ඔහුගෙ ඒ කෝපි ඇස්


සගවනා සිනා රැල්

හොරහින්ම පිට පනින

මගේ මේ හිත ගත්තු

කෝපි පැහැ ගත්ත ඇස්


එහේ මෙහේ දුර දුවපු 

මගේ වත මත රැදුනු

නැවතිලා ඉගි මරපු

ඇස් තමයි කෝපි ඇස්

 

සිසිරයේ දහවලක

පෙම් හැගුම් පුබුදගෙන

මගේ ලොව වෙත ආව

මං ආස කෝපි ඇස්


ඇස් මතම නැවතිලා

මගේ හිත මත හීන

එකින් එක ගොඩ ගසන

ප්‍රේමයේ කෝපි ඇස්


වැසි දිනක සීතලට

උණුසුමක් දනවනා

විඩාබර ගමනතර

මා නිවා සනහනා

ඉතින් ඒ කෝපි ඇස්



ආදරේ තවරන්න

මගේ ලග නැවතිච්ච 

නැවතිලා කෝල වුන 

ඇස් තමයි කෝපි ඇස් 

No comments:

Post a Comment